再接再黎 先前參加校內一個足soc攪既足球比賽 我係代表會計系既,同隊有幾個隊員都幾夾,特別係阿john 雖然近幾場同阿john冇機會拍住打中場,因為部份球員黎唔到,中堅位置落空迫住要佢頂上. 我相信有佢係度，攻力必增無減． 希望係下次我地可以代表會計隊係球場上既合作，應該最快會係星6 joint u比賽度出現！ 回顧先前３場，其實每一場真係幾激烈,係首場賽事先黎過客主，上半場輸緊１粒，到下半場由新入場既前鋒阿ｓｉｎｇ 入返３粒，反追３比１ 取勝（當中有球係自已既助攻） ’’好記得勁俾對手夾３文治，佢地唯一既防守方法 － 撞完你先防波’’ 到第二場，對一隊被同組最勁既一隊ｋｏ４：０，一開始大家都放鬆哂黎踢，覺得ｗｉｎ面好大 踢左一大個上半場，仍然係０：０，好彩到下半場尾段 自己爆開２條友，係右路放過高空波俾ｓｉｎｇ頂入．呢個就係全場唯一既入波．結果ｗｉｎ １：０完場 ’’值得一提係對手頭功幾強，特別係個中堅，見成球波佢冇一球唔係用頭．．．．＝．＝’’ 黎到第３場，對同組最勁個隊，呢隊明顯攻力係勁ｄ，整體實力相約，有組織，中場指揮好． 初初真係俾佢ｈｅａｄ住個勢，後來由自己一個角球成為球賽上第一個轉捩點，因為岩岩好交到俾阿俊頂入，頂得非常精彩，擦（未）入網． 然後，我地又發動好幾次攻勢，終於自己係左路接，一個近底線位，將一個心口波，凌空撞交俾阿ｓｉｎｇ，但ｓｉｎｇ拎唔到 俾對方２個後防困住，後來２位後衛折唔到個傳波，僥倖地俾阿ｓｉｎｇ攔到，射成２：０． 到下半場，明顯地對方主攻，我地都失左好多角球俾佢，最後俾對方追成２：２，其中１個係自籠，一個係對方角球時頂入． 時間一秒一秒咁過，剩返３ｍｉｎｓ到，自己抓到機會，接到阿ｓｉｎｇ既傳波，射左個世界波，係係左邊中場大力抽射，個波由左邊飄到去ｋｅｅｐｅｒ右邊既柱撞入． 最後吹雞完場． ’’其實自足球學會練習時，一直想同對方個中場比較下，可惜佢踢時又唔係對我，到我時佢卻因傷出場．點解咁有ｉｎｔｅｒｅｓｔ同佢踢？？？哈 因為未見過一個有成１米８５既大肥仔可以咁叻 可以踢得咁好，又非常敏捷＝．＝’’ 終於以首名出線入四強 下場應該係月尾再踢，到時再打吧．． 剩番個幾隊，有２隊以我所知係勁既，ｓｏ各隊友唔好因為３連勝而自傲．．．．．．唔係慘果自負～ | 
人生既第一次 , 就這樣簡單且(昆)烈地完結
